الحب/العشق/الغرام/الحنان/القلب
اسمك في ظهر قلبي
لآغآب صوتك طآري الشوق مآغآب
وأشفق على همسك ، ولذّة طوآريك
وحكي الغرآم ، ومسمعي منك لآذآب
وأحلآمك الورديه ، وصدق أمآنيك
وحَضن الندى للزهر بآسبآب العتآب
ومجآدلك ، ومعـآندك أو تحدّيك
إني حيآتك .. والرجآ بي مآخآب
وإني أحبك موت .. وأتبع خطآويك
وأقول : أنآ بتعبك في درب الأحبآب
دآمك ضيآء الدرب والحب يضويك
لأنك حيآتي يآغنآتي وأنآ كتآب
وحروف إسمك تسكن أورآق مغليك
أحيآن .. يعزف بك غلآ .. يقفل أبوآب
وأحيآن .. يعزف بك إذآ مر طآريك
من الوله مآيسكب أكوآب وأكوآب
حلو المعآني مع صدى عزف هآويك
وأسقيك عذب الشعر وأسقيك مآطآب
من الكلآم اللي تحبه ويرضيك
ونسهر على بيض النوآيآ ، والإعجآب
والشوق ، والحب الحقيقي ، وأغانيك
لكن متى ترجع .. متى الدمع ينسآب
وينك ترى طول مفآرقك .. وش فيك
تعآل .. أبحكيلك .. معآنآة الغيآب
تعآل .. أبشكيلك .. عنى .. شي يعنيك
قلب ٍ عطى كل البشر كلمة .. أغـرآب
وسمّآك بس إنت القريب .. وحوآليك
طآرت من أعمآقه .. أحآسيسه .. أسـرآب
وصرت السمآ .. لآصدق أحآسيس .. تغنيك !
لآيطول غيآبك .. ترى الشوق مآغآب
وببقى كذا .. مشتآق .. لين ألتقي فيك ....
