يقــول من يشــكر المعــروف بالقـــافي ......................قــاف بناه العريمـــه من هنـــاديبـــــــه
ياذيــب ما يدفن المعـروف بالســــــافي ............... .......ياكـود عفـــنٍ رديــات مــذاهيبـــــــه
قالوا لنا عشـــرة المطــران تنعـــــــــافي ......................واللي عرفنــا من المطـران ياطيبــــه
والله ما اصّــدق بعــرفي كل عـــرافــي .......................وانا من اللي عرفــهم من تجــاريبــه
زرنا الشــمال ولقينا مكـــرم الــــــلأفي ......................الصاحب اللي عسـى الأيــام تبطي به
لي بين واصــل وعلوى صـــاحب صـــافي ..................ومعــارف ما بهم شــك ٍ ولا ريبـــه
علوى هل الصيــت الأبيض والمثل كــافي.....................وواصل من اطيب قبايــل نجد ندري بــه
ربعٍ وفــاهم لنــا ملمـــوس ويشــــافي ........................ومن عــز نفســـه وربعه عز اصـــاحيبه
عاشــرت منهم رجــل مابهم جــافــي.........................ما فيهم اللي تــردى عــن مواجيبــه
الكـل منهـم بعيد شــــبوح وســـنافي .........................لو قالوا النــاس ماخـذبه ولا اعطي به
لمطيــر عندي شــهادة حــق وانصـــافي .....................قـول على فعــل والعـالم تغنــي بــه
كـون العــوارض فريٍد مــاله اوصافي ..........................مع شـيخ شـمر ولا طــاعوا منــاديبه
يوم الرقيبــه رقى في راس مشـــرافي .......................قال اعتــزوا يالعوارض شــفت لي ريبه
وفـازوا بيــوم به الأريـــاق نشـــافي ........................من طلعت الشــمس لين انحــت لتغــريبه
وســبع العبيــات منهم شـــاف ما عافي .........................على الخليفــه وطشـــوا من مـــراكيبه
بمســـلبات لهـــن بالقــاع رجــــافي ...............................مـن كـل شــبلٍ عطيبــاتٍ مضـــاريبـــه
يامطيـر ياطيبكم ما اطيــع الأجحــافي ........................وهرج العرب ضدك مااسمع به ولا اوحي به
والناس فيهم هلل واربــاع وانصـــافي .........................وفيهم كــاملاُ تنقـــص مطـــاليبـــه
ياسـاتر العيــب يالله سـترك الضـــافي ..........................الله من اللي يعيــب النــاس في عيبــه
لو فتشــوا به لقوا به حدر الأظــلافي ..........................عيب يجي به جديــد وعيب مبطــي بــه
تمـت ورد الثنــا من طبع الأشـــرافي .................................واللي يــذم ويعم الناس والخيبـــه
